Okap/Mobilizasyon : Popilasyon an pa negosye barikad li.

Jodi 28 oktòb 2019 la, menm si pa te gen manifèstasyon, popilasyon kapwaz la toujou kanpe dèyè barikad yo.

Apre kokenn chenn manifèstasyon ki te fèt jou dimanch 27 oktòb 2019 la, kote manifèstan yo te kraze anpil vit biznis tankou UNIBANK epi boule  drapo peyi Meriken an. Vil Okap te leve an pentad ayè lendi 28 oktòb la.

Nan maten 28 oktòb la vil Okap te leve frèt. Se kèk grenn motosiklèt ak pyeton nou te remake. Tout moun te panse pral genyen anpil tans tansyon koz yon branch nan opozisyon an te anonse pral gen pikliz nan manifèstasyon an. Pandan jounen an, kèk zòn nan vil la te rete mobilize tankou kafou Samari kote kawotchou tap boule. Anpil biznis te fèmen pòt yo, labank pa te louvri. Moun nan popilasyon an te pran lari pou okipe ativite yo e sektè enfòmèl la te fonksyone.

Otorite vil la te tanmen yon operasyon netwayaj nan kèk katye. Men apre SMCRS te fin retire gwo pil fatra ki te gen. ri 0 ak devan jean XXIII, ke yo te bloke lari a avèk yo. Moun nan zòn koupe bwanch bwa pou yo bloke lari a. Se yon jounen ki fini avèk anpil panik.  Nan aswè te gen kout zam ak kawotchou ki t ap boule  nan zòn nan e tout moun ki te lavil la te kouri antre lakay yo avèk anpil laperèz Bagay la pa te fasil. Opozisyon an nan Okap pa deside abandone barikad yo.

Se sa Mèt André Michel, nan kad rankont ak laprès Altènativ Konsansyèl pou Refondasyon Leta ki te òganize lendi 28 oktòb la, mande pou manifèstan yo pandan yo ap monte barikad yo pi wo pou yo pwoteje timoun, granmoun, jounalis, anbilans k ap transpòte malad ak gazolin. Anpil obsèvatè fè remake se premye fwa lidè opozisyon  yo pran yon pozisyon konsa piblikman. Eske se pa yon pozisyon ki vini apre nòt yo ki pibliye sou paj Facebook anbasad Meriken ki an Ayiti a ?


Henri-Robert PIERRE-LOUIS